मिस ‘मिस इङ्ल्यान्ड’को फाइनलमा भिड्दै, नेपाली चेली प्रतिष्ठा राउत
तामसालिङ खबर
साउन ९, हेटौडा – जुलाई ३१ र अगष्ट १ मा हुने ‘मिस इङ्ल्यान्ड’को फाइनलमा नेपाली मुलकी प्रतिष्ठा राउत फाइनलमा प्रवेश गरेकी छिन । फोटो हिट चरण पार गरेर सेमिफाइनल पुगेकी उनी अहिले फाइनल राउण्डको तयारीमा छन् । २० हजार आवेदनबाट उनी फाइनलसम्मको यात्रा तय गर्न सफल भइकी हुन् ।
अहिले उनको परिचय सहितको भिडियो युट्युबमा अपलोड भएको छ । त्यसैले नेपाली समुदाय उनको अभियानलाई साथ दिदै विभिन्न कार्यक्रममा व्यस्त रहेको छ । नेपालको संखुवासभा चैनपुरकी प्रतिष्ठा पेशाले भने फ्लोर प्लान आर्किटेक्ट हुन ।
२६ वर्षीया प्रतिष्ठा नेपाली समुदायबाट फाइनल पुग्ने एक्ली प्रतिस्पर्धी हुन् । फाइनल प्रतिस्पर्धामा ५४ जना सहभागि हुनेछन् । जुलाईको ३१ र अगष्टको १ तारेखमा न्यू कयासल अपन टाइनमा विजेता घोषणा गरिनेछ । प्रतिष्ठाले आफूलाई जिताउनका लागि संसारभरबाट अनलाइन भोटिङ्गका लागि आग्रह गरेकी छन् ।
