हिमालय एयरलाइन्सले थाल्यो, आज देखि ढाकाको लागि उडान
तामसालिङ खबर
साउन ६, काठमाडौं – हिमालय एयरलाइन्सले आजबाट बङ्गलादेशको ढाकामा सीधा उडान सुरु गरेको छ । अध्ययन, व्यावसायिक यात्रा र घुमघामका लागि जाने र आउने यात्रुहरुलाई लक्षित गरी सीधा उडान सुरु गरेको हो ।
एयरलाइन्सले हाल मध्यपूर्वी एसियाका देशहरु दोहा, दुबई/आबुधाबी, दमाममा नियमित उडान गरिरहेको छ । ढाकाको नया उडानले बङ्लादेशी सहित मध्यपूर्वी एसियाका यात्रुका लागि काठमाडौं ट्रान्जिट हब बन्ने विश्वास आफूहरुको रहेको बताए । ढाकामा हाल न्यारोबडी जहाज ए ३२०–२१४ मार्फत उडान सुरु गरेको हो ।
पछिल्लो समय ढाकामा नेपाली विद्यार्थी अध्ययनका लागि धेरै जाने गरेका छन् भने पर्यटकहरु पनि नेपाल आउने क्रमले तीव्रता पाएको छ । हिमालयले साताको तीन दिन सोमबार, बुधबार र शनिवार उडान गर्नेछ ।
काठमाडौंबाट दिउँसो ११.१० उडान गरी ढाकामा १३.१० मा पुग्नेछन् भने ढाकाबाट १४.१० बजे उडान गरी काठमाडौंमा १५.२० मा आइपुग्नेछन् ।
यो पनि पढ्नुहोस्
