अन्तराष्ट्रिय जम्बुलिङ फिल्मस् अवार्ड थाइल्यान्डमा हुने
तामसालिङ खबर
साउन ५, हेटौडा – पुरानोलाई सम्मान नयाँलाई प्रोत्साहन गर्ने मुल उद्येश्यले यही साउन २३ गते अर्थात् अगस्ट ८ तरिखको दिन थाइल्यान्डको बैंककमा अन्तराष्ट्रिय जम्बुलिङ फिल्मस अवार्ड हुने भएको छ ।
धादिङ, रसुवा, नुवाकोटमा प्रचलित म्हेन्दोमाया, नेपाली लोक दोहोरी, पप गीत, आधुनिक गीत र राष्ट्रिय गीतबाट गरि ५६ वटा बिधामा अवार्ड दिने भएको छ । उत्कृष्ट ५ भित्र पर्ने गीत, भाका, शब्द, गायक, गायिका, निर्देशन, स्वर, अभिनय देखि लिएर सबै क्षेत्रलाई समाबेश गरि अवार्ड दिने आयोजक जम्बुलिङ फिल्मसले जनाएको छ ।
कलाकारहरुलाई हौसला प्रोत्साहन गर्ने उद्देश्यले अवार्ड कार्यक्रम गर्न लागेको जम्बुलिङ फिल्मस् प्रालिका प्रवन्ध निर्देशक राजकिङ वाईवाले बताउनु भयो । कला र गलाको उच्च मुल्यांकन र कदर गर्दै थप उर्जा प्रदान गर्ने उद्देश्यले आयोजना गर्न लागेको अवार्ड कार्यक्रमको तयारीको करिब पुरा भैसकेको उहाँले बताउनुभयो ।
