गर्मीको कारण बाराका सबै विद्यालय आज देखि बन्द

बारा – गर्मी अत्यधिक बढेपछि बाराका सबै विद्यालयहरु असार १ गते आज देखि ६ दिनका लागि बन्द गर्ने निर्णय भएको छ ।

जिल्ला शिक्षा विकास तथा समन्वय इकाइ कार्यालय बाराको शनिबार भएको बैठकले असार १ गते देखि ६ गतेसम्मका लागि जिल्लाका सम्पूर्ण सामुदायिक तथा निजी विद्यालयहरु बन्द गर्ने निर्णय गरेको इकाइ प्रमुख अशोक रौनियारले बताए ।

विद्यार्थीहरु गर्मीको प्रत्यक्ष मारमा पर्न थालेपछि गर्मी बिदाबाट कट्टा हुने गरी विद्यालयहरु ६ दिनका लागि बन्द गर्ने निर्णय गरिएको रौनियारले जानकारी दिएका छन् ।