४ देशका लागि राजदूत सिफारिस

काठमाडौं – सरकारले चार देशका लागि नेपाली राजदूत सिफारिस गरेको छ । मन्त्रीपरिषद बैठकले अष्ट्रेलिया, बंगलादेश, कतार र स्पेनका लागि राजदूत सिफारिस गरेको स्रोतले जनाएको छ ।

अष्ट्रेलियाका लागि महेश दाहाल, कतारका लागि डा. नारद भारद्वाज, स्पेनका लागि आङफुटी शेर्पा र बंगलादेशका लागि डा. वंशीधर मिश्र राजदूत सिफारिस भएका छन् ।

नेपाल कम्युनिष्ट पार्टी नेकपाका शीर्ष नेताले भागबण्डामा राजदूत सिफारिस गरेका छन् । भारद्वाज र शेर्पा प्रधानमन्त्री समेत रहेका अध्यक्ष केपी शर्मा ओली, दाहाल अर्का अध्यक्ष पुष्पकमल दाहाल प्रचण्ड र मिश्र वरिष्ठ नेता माधवकुमार नेपाल निकट हुन् ।