आज इदउल फित्रको सार्वजनिक बिदा

हेटौंडा – नेपालका इस्लाम धर्मावलम्बीले बुधबार इद उल फित्र पर्व मनाउँदै छन् । इद उल फित्रको अवसरमा सरकारले बुधबार सार्वजनिक बिदा घोषणा समेत गरेको छ ।

गृह मन्त्रालयले सूचना निकालेर इस्लाम धर्मावलम्बीको महान पर्व इद उल फित्रको अवसरमा सार्वजनिक बिदा दिने निर्णय भएको जनाएको छ । एक महिनासम्म दिनभर पानीसमेत नखाइ व्रत बसेका मुस्लिम समुदायले अन्तिम दिन इद उल फित्र मनाउने गर्छन् ।

यसअघि भोलि अर्थात २३ गते बिदा घोषणा गरेको सरकारले इद उल फित्र आज नै परेको कारण बिदा दिने निर्णय गरेको हो ।

इद उल फित्रलाई मुस्लिम धर्मावलम्बीले महान पर्वको रुपमा मनाउने गर्छन् । यसअघि प्रदेश २ ले पनि आज बुधबार प्रदेशभर सार्वजनिक बिदाको घोषणा गरेको थियो ।