स्पेनको कृषि प्रणाली नेपाल भित्र्याउने सम्झौता
तामसालिङ खबर
बार्सिलोना – स्पेनको आधुनिक कृषि प्रणाली नेपालमा भित्रिने भएको छ । स्पेनको अग्रणी कृषि फर्म फ्रुतास क्यान्डिल मार्काम्याड्रिड र बुद्ध लुम्बिनी ग्रुप नेपाल लिमिटेडबीच स्पेनको कृषि प्रणाली भित्र्याउन बुधबार सम्झौता भएको हो ।
फ्रुतास क्यान्डिल मार्काम्यियाड्रिड स्पेनको ठूलो कृषि उत्पादक कम्पनीमध्ये एक हो । हाल म्याड्रिडमा रहेका लुम्बिनी सास्कृतिक नगरपालिकाका मेयर मनमोहन चौधरीले स्पेनको आधुनिक कृषि प्रणालीलाई लुम्बिनीमा पुर्याउने बाटो खुलेको बताए ।
उनले लुम्बिनीको माटो र उत्पादन क्षमताको जाँच अबको पहिलो कार्य हुने बताए । सम्झौता अनुसार काम गर्न कृषि फर्मको अवलोकनसँगै प्रदेश सरकारसँग छलफल गर्ने याेजनाबारे पनि उनले सुनाए । बुद्ध लुम्बिनी ग्रुप नेपालको तर्फबाट हस्ताक्षर गरेका स्पेननिवासी एकराज गिरीले लुम्बिनीबाट कृषक टोली ल्याएर प्रविधि नेपालमा लैजान तालिम दिने बताए ।
उनका अनुसार, फलफुल तथा तरकारीहरुको बिउ बिजन, उत्पादन, भण्डारणदेखि बजार व्यवस्थापनको जानकारी दिन ३ देखि ६ महिनासम्म तालिम दिने सहमति बनेको छ ।
यो पनि पढ्नुहोस्
