‘प्रेमगीत ३’ खेल्न २६ सय बढी युवतीको निवेदन
प्रभात लामा 
काठमाडौ – ‘प्रेमगीत ३’ मा ‘गीत’को भूमिकामा अभिनय गर्न २६ सय भन्दा धेरैको आवेदन परेको छ । निर्माण टिमले सिनेमाको लागि मुख्य भूमिकामा नायिकाको खोजी गर्दै आवेदन भर्नको लागि आव्हान गरेको थियो । आव्हान गरेको अन्तिम दिनको आज सम्म २६ सय १३ जनाले आवेदन दिएको निर्माता सन्तोष सेनले बताए ।
सिनेमाको लागि खोजेको जस्ती ‘गीत’ पात्र धेरै पाएको र अझै आउने विश्वास व्यक्त गरे । सिनेमाका लागि संसार भरि छरिएर बसेका नेपालीहरुबाट आवेदन आइरहेको सेनको भनाई छ ।
‘सिनेमा खेल्नु भएको, म्युजिक भिडियोमा काम गर्नुभएको देखि लिएर नयाँ अनुहारले पनि आवेदन दिनुभएकोछ । यस मध्येमा हामी टप २० छान्ने छौँ र उहाँहरुलाई नै हामी अडिसनमा बोलाउने छौँ । त्यहीबाट गीत पात्र फाइनल गर्ने निर्माता सेनाले बताए ।’
२०७७ सालको नया वर्षलाई लक्षित गरेर प्रदर्शनमा आउने सिनेमा ‘प्रेमगीत ३’ मा अभिनेता प्रदीप खड्का, राजेश हमाल, मुकुन्द श्रेष्ठ लगायतका कलाकार हुने खबर बाहिरिसकेका छन् । छेतेन गुरुङ र निर्माता सेन गरी दुवैजनाको संयुक्त निर्देशनमा बन्ने सिनेमा दशै पछि छायांकनमा जाने बताएको छ ।
