मकवानपुरमा चट्याङ लागेर एकको मृत्यु, एक घाइते

हेटौंडा – मकवानपुरमा चट्याङ लागेर एक जनाको मृत्यु भएको छ भने एक जना घाइते भएका छन् । शुक्रबार दिउसो हावाहुरी र बर्षासँँगै परेको चट्याङ लागेर मकवानपुरगढी गाउँपालिका वडा नम्बर ५ देउरालीकी २७ बर्षीय फुलमाया पाख्रिनको मृत्यु भएको हो ।

त्यस्तै, मनहरी गाउँपालिका वडा नम्बर ३ मा चट्याङ पर्दा बाख्रा चराउन गएकी ५० बर्षीया बृन्दा मोक्तान घाईते भएकी छिन् । उनलाई उपचारको लागि हेटौंडा अस्पताल भर्ना गरिएको प्रहरीले जनाएको छ ।