विर विक्रम-२ को ट्रेलर रिलिज, भिलेनमा देखिए बुद्धि तामाङ
तामसालिङ खबर
काठमाडौ – मिलन चाम्सद्वारा निर्माण तथा निर्देशन गरिएको नेपाली चलचित्र ‘विर विक्रम २’ को ट्रेलर रिलिज भएको छ । ट्रेलरमा पल शाह, नाजिर हुसेन, नायिका बर्षा सिवाकोटी, बुद्धि तामाङको मुख्य भुमिकामा रहेको देख्न सकिन्छ ।
ट्रेलरका अनुसार पल र नाजिर बर्षाको प्रेममा फसेको देखिन्छ । अभिनेता बुद्धि तामाङ भने भिलेनको रूपमा देखाएको छ ।
चाम्स इम्टरटेनमेन्ट र लण्डन सिने आईको सयुक्त ब्यानरमा निर्माण भएको फिल्ममा अपर्ण सापकोटा सह- निर्माताको रुपमा रहेका छन् । चलचित्रको दुई गीत ‘पिरतीको मिठो तिर्सना’ र ‘वाचा’ यस अघि नै सार्वजनिक गरेका हुन् ।
प्रदीप भारद्धाजको कथा, पटकथा तथा संवाद रहेको चलचित्रमा रंजित गजमेर, राजनराज सिवाकोटी, ताराप्रकाश लिम्बुको संगीत, कविराज गहतराजको कोरियोग्राफी, हिमाल केसीको द्धन्द, बनिष शाहको सम्पादन रहेको छ । चलचित्र जेठ ३ गते देखि प्रदर्शनमा आउने भएको छ ।
ट्रेलर हेर्नुस:
