यति एयरलाइन्सले किन्यो, नयाँ जहाज

काठमाडौँ – यति यएरलाइन्सले ‘एटिआर–७२’ नयाँ जहाज किनेको छ । एयरलाइन्सले शनिबार उक्त नयाँ जहाज काठमाडौँ ल्याएको हो । एयरलाइन्सको यो सँगै ४ वटा एटिआर – ७२ जहाज, एउटा एटिआर – ४२ र बाँकी ५ वटा अरु जहाज गरी विमानको संख्या १० पुगेको छ ।

व्यावसायिकतासँगै सरकारले घोषणा गरेको नेपाल भ्रमण वर्षलाई सहयोग पु¥याउने लक्ष्यका साथ यतीले जहाज थपेको हो । सन् २०२० लाई नेपाल भ्रमण वर्षका रुपमा मनाएर २० लाख पर्यटक भित्र्याउने लक्ष्य लिएको छ ।

उक्त लक्ष्य हासिल गर्न थपिएका जहाजले सहयोग पुग्ने एयरलाइन्सको विश्वास छ । यति एयरलाइन्सले अहिले विराटनगर, भद्रपुर, पोखरा, भैरहपा, चितवन, धनगडी, नेपालगन्ज लगायतका गन्तव्यमा उडान भर्दै आएको छ ।