मकवानपुरमा ठुलो परिमाणको लागूऔषध नष्ट
तामसालिङ खबर
हेटौडा – मकवानपुर प्रहरीले जिल्लाका बिभिन्न स्थानबाट बरामद गरेको लागूऔषध गाँजा बिहिबार नष्ट गरेको छ ।
मकवानपुर, धादिङ लगायतका जिल्लाबाट प्रहरीले बिभिन्न मितिमा बरामद गरेको लागूऔषध गाँजा ६ सय ७८ किलो, चरेश २ सय ७३ किलो, अफिम ७ सय ग्राम, फेनार्गन २९ एम्पुल, व्यूप्रोनोर्फिन २९ एम्पुल, डाइजेपाम २९ एम्पुल, नाइट्रोभेट ५ सय ४७ ट्याब्लेट आज मकवानपुरको भैसेमा लगेर नष्ट गरिएको मकवानपुरका प्रहरी उपरिक्षक मुकेश कुमार सिंहले बताउनुभयो ।
प्रहरीले लागूऔषध अनुसन्धान तथा कारबाहीको फैसला पछि अदालतको अनुमतीमा उक्त परिमाणमा लागूऔषध नष्ट गरेको जनाएको छ । ४ सय ४० किलो ८ सय ग्राम लागूऔषध भने अनसन्धानमै रहेकाले नष्ट गर्न बाँकी रहेको प्रहरीले जनाएको छ ।
२०७५ फागुन ८ गते देखि २०७६ साल वैशाख १ गतेसम्मको अवधिमा नियन्त्रणमा लिएको लागूऔषध नष्ट गरिएको एसपि सिंहले जानकारी दिनुभयो ।
यो पनि पढ्नुहोस्
