काँग्रेसको भ्रातृ संगठन नेपाल ट्रेड युनियनले श्रमिक दिवस भब्य मनाइने
तामसालिङ खबर
हेटौडा – १३० औं अन्तर्राष्ट्रिय श्रमिक दिवस मनाउनका लागि नेपाली काँग्रेसको भ्रातृ संगठन नेपाल ट्रेड युनियन काँग्रेस मकवानपुरले मूल समारोह समिति गठन गरेको छ ।
नेपाल ट्रेड युनियन काँग्रेस मकवानपुरको मंगलबार बसेको बैठकले जिल्ला अध्यक्ष यमबहादुर श्रेष्ठको अध्यक्षतामा दुईसय ५१ सदस्यीय मूल समारोह समिति गठन गरेको हो ।
श्रेष्ठको अध्यक्षतामा भएको बैठकमा नेपाल ट्रेड युनियन काँग्रेस ३ नम्बर प्रदेशका कार्यवाहक अध्यक्ष घनश्याम चापागाईं, श्रम मजदुर विभाग प्रमुख हरि वाग्ले, प्रदेश उपाध्यक्षद्वय वीरेन्द्र लामा तथा कुमार पौडेल तथा सल्लाहकार रमेशध्वज कार्कीलगायत सहभागी थिए ।
बैठकबाट उपाध्यक्ष शर्मीला श्रेष्ठको संयोजकत्वमा मञ्च व्यवस्थापन तथा अतिथि सत्कार, मुना पाठकको संयोजकत्वमा प्रचारप्रसार, आर्थिक व्यवस्थापन संयोजकत्वमा ताराकुमारी राई (कार्की), वीरेन्द्रकुमार लामाको संयोजकत्वमा ¥याली व्यवस्थापन तथा युवराज लामाको संयोजकत्वमा स्वम्सेवक व्यवस्थापन उपसमिति गठन गरिएको छ ।
बैठकले वैशाख १७ गते रक्तदान कार्यक्रम आयोजना गर्ने समेत निर्णय गरेको छ । उक्त कार्यक्रमका लागि युवा समिति अध्यक्ष युवराज लामा र महिला समितिका अध्यक्ष लक्ष्मी श्रेष्ठको संयुक्त संयोजकत्व तोकिएको छ ।
यो पनि पढ्नुहोस्
