बुद्धले साउनदेखि गुवाहटी नियमित उडान गर्ने

काठमाडौं – बुद्ध एयरले अन्तर्राष्ट्रिय उडानलाई विस्तार गरेको छ । बुद्धले भारतको गुवाहटीमा साउन १८ गतेदेखि उडान गर्ने बताएको छ । बुद्ध एयरले काठमाडौं – गुवाहटी उडानका लागि उड्डयन मन्त्रालय नागरिक उड्डयन प्राधिकरण र भारत सरकारसँगको प्रकृया सुरु गरिसकेको बताएको छ ।

बुद्ध एयरको काठमाडौं–गुवाहटी साताको दुईवटा उडान हुने छ । ७२ सिटको एटिआर विमानबाट हरेक मंगलबार र शनिबार विहानको सात बजे उडान भर्ने बुद्धले जनाएको छ ।

बुद्धले आउँदो जेठ १३ गतेदेखि साताको तीन वटा उडान काठमाडौं–कोलकत्ता गर्ने योजना यस अघिनै सार्वजनिक गरेको छ । हाल बुद्धको सातामा २ वटा उडान काठमाडौं–वनारस गर्दै आएको छ ।