नायिका खुशी घिसिङ ‘नगरकोटे वन’ मा

हेटौँडा, २९ चैत । चर्चित नायिका खुशी घिसिङको नयाँ म्यूजिक भिडियो युट्युबमा सार्वजनिक भएको छ । खुशी यस पटक नवराज लामिछानेको शब्द, संगीत तथा आवाजमा तयार भएको ‘नगरकोटे वन’ बोलको गीतको म्यूजिक भिडियोमा देखिएकी हुन् । यस अघि चर्चित तामाङ चलचित्र ‘सेमरिन मुला माया’ मा अभिनय गरेसँगै चर्चामा आएकी खुशीका अन्य नेपाली म्यूजिक भिडियोहरु पनि सार्वजनिक भईसकेका छन् ।

नवराज लामिछानेकै सत्यकथामा आधारित रहेर तयार भएको गीतको म्युजिक भिडियोमा खुशीसँगै नायक अर्जुन खड्का र बाल कलाकार पृथ्वी सुनुवार र गायक लामिछानेले लगायतका कलाकारहरुले अभिनय गरेका छन् । तामाङ चलचित्र क्षेत्रका चर्चित नायक एवम् निर्देशक हुत्त सञ्जय लामाको निर्देशन तथा रामेश्वर जिरेलको छायाँकनमा भिडियो तयार गरिएको हो । म्यूजिक भिडियोलाई विजयराजले सम्पादन गरेका छन् ।
हेरौँ नगरकोटे वनको भिडियो–