मनहरी खोलाबाट टिपर र स्काभेटर नियन्त्रण

हेटौँडा, २९ चैत । मनहरीबाट अवैध रुपमा नदिजन्य पदार्थहरु उत्खनन् गरेको भन्दै मकवानपुर प्रहरीले ४ वटा टिपर र ७ वटा स्काभेटर नियन्त्रणमा लिएको छ । मनहरी खोलामा जथाभावी उत्खन्न भईरहेको छ भन्ने सुचनाको आधारमा जिल्ला प्रहरी कार्यालय मकवानपुरबाट प्रहरी निरीक्षक पवन कुमार झाको नेतृत्वमा गएको प्रहरी टोलीले उक्त सवारीहरुलाई उत्खनन् गरिरहेकै अवस्थामा नियन्त्रणमा लिएको हो ।

राक्सिराङ गाउँपालिका वडा नम्बर ५ स्थित मनहरी खोलामा उत्खन्न गरी गिटी बालुवा निकालिरहेको अवस्थामा ती साधनहरुलाई नियन्त्रणमा लिएको प्रहरीले जनाएको छ । नियन्त्रणमा लिएका टिपर र स्काभेटर आवश्यक कारबाहीको लागी जिल्ला समन्वय समितिको कार्यालय मकवानपुर पठाईएको मकवानपुर प्रहरीले जनाएको छ ।