आज देशभक्त जनगणतान्त्रिक मोर्चाको प्रदर्शन
तामसालिङ खबर
काठमाडौ – मोहन बैद्य‘किरण’ नेतृत्वको क्रान्तिकारी माओवादीको देशभक्त जनगणतान्त्रिक मोर्चाले आज दिउँसो १२ बजेदेखि काठमाडाैंमा जनप्रदर्शन गर्ने भएको छ ।
मोर्चाले स्थानीय, प्रदेश र प्रतिनिधि सभा निर्वाचन पछि पहिलो पटक ठूलो जनप्रर्दशन गर्न थालेको हो । जनप्रदर्शनका लागि भन्दै मोर्चाले देशैभरबाट नेता कार्यकर्ता राजधानी उतारेको छ ।
मध्यान्न १२ बजेदेखि सुरु हुने जनप्रदर्शनका लागि राजधानीका विभिन्न सात ठाउँबाट जुलुस निकाल्ने तयारी भई रहेको मोर्चाका अध्यक्ष सिपी गजुरेलले बताए ।
माईतिघरबाट सिपी गजुरेल, कालीमाटीबाट परी थापा, सु्न्धाराबाट केवी गुरुङ, सोह्रखुट्टेबाट केशबहादुर परियार, कुपण्डोलबाट पवनमान श्रेष्ठ, गौशालाबाट हृरिकृष्ण गजुरेल, लैनचौरबाट रामबहादुर केसीले जुलुसको नेतृत्व गर्ने भएका छन् ।
बिभिन्न सात ठाउँबाट आएको जुलुस भृकुटीमण्डपमा आई जनसभामा परिणत हुने मोर्चाले जनाएको छ । दिउँसो १ बजे हुने सभालाई पार्टी महासचिव मोहन वैद्य ‘किरण’ले सम्बोध गर्ने कार्यक्रम रहेको छ ।
यो पनि पढ्नुहोस्
