माओवादी भीमफेदी गाउँपालिका २ नं. वडा कमिटीको दोस्रो अधिवेशन सम्पन्न
तामसालिङ खबर
अनिल बसेल
हेटौंडा । भाद्र २४ गते/ नेपाल कम्यूनिष्ट पार्टी (माओवादी केन्द्र) भीमफेदी गाउँपालिका २ नं. वडा कमिटीको दोस्रो अधिवेशन सम्पन्न भएको छ ।
नेकपा माओवादी केन्द्रका केन्द्रिय सदस्य एवम बागमती प्रदेश सासंद कुमारी मोक्तानको प्रमुख आतिथ्यतामा भएको कार्यक्रममा भीमफेदी गाउँपालिका २ नं. वडा कमिटीको दोस्रो अधिवेशन बाट लेखराम डिम्डुङको अध्यक्षमा २५ सदस्य सहित सम्पन्न गरिएको हो । कार्यक्रमका प्रमुख अतिथिले प्रविधि मैत्रीपूर्ण र समाज रुपान्तरणमा लाग्न पर्ने उन्नत बिचार समाजमा स्थापित गर्नको लागि प्रभावकारी ढंगबाट अगाडि बढ्नुपर्ने बताए ।
कार्यक्रमका विशिष्ट अतिथि नेकपा माओवादी केन्द्र मकवानपुर जिल्ला संयोजक भीम पाख्रिनले समाजमा बिचारमा चल्नु पर्यो र सिद्धान्तमा एकरुप्ता भएर पार्टीमा अघि बढ्न आवश्यक भएको बताए ।
त्यस्तै विशिष्ट अतिथिमा जिल्ला समन्वय समितिका प्रमुख ललित बहादुर घलान, अतिथिमा नेकपा माओवादी केन्द्रका भीमफेदी गाउँपालिका कमिटी इन्चार्ज अप्सरा लोप्चन, भीमफेदी गाउँपालिका कमिटी अध्यक्ष बद्री बहादुर स्याङ्तान, उपाध्यक्ष आत्माराम मोक्तान लगायत पार्टीका अन्य अतिथि रहेका थिए ।
कार्यक्रममा स्वागत मन्तव्य नेकपा माओवादी केन्द्र भिमफेदी गा.पा. उपाध्यक्ष आत्माराम मोक्तानले राखेका थिए भने कार्यक्रम सभाध्यक्ष लेखराम डिम्डुङको सभाध्यक्षता सम्पन्न भएको हो ।
यो पनि पढ्नुहोस्
