अखिल क्रान्तिकारी मकवानपुरको अध्यक्षमा बुद्धराज अर्याल

हेटौंडा। १४ असार/ अखिल नेपाल स्वतन्त्र बिद्यार्थी संगठन (क्रान्तिकारी) मकवानपुरको अध्यक्षमा बुद्धराज अर्याल सर्वसम्मत निर्वाचित भएका छन् ।

शुक्रबार हेटौंडामा सम्पन्न संगठनको २३ औं सम्मेलनले अर्यालको अध्यक्षतामा ५३  सदस्यीय जिल्ला कार्य समिति चयन गरेको हो ।

कार्य समिति उपाध्यक्षमा दिपक वाईबा, निरुता पाखृन , सचिवमा  छोइसाङ लामा,  कोषाध्यक्षमा अनिल बसेल, सह सचिवमा सुजन सिलवाल, बिजन लटौला, सुबास थोकर, अभ्युदय खनाल चयन भएका छन् ।

त्यस्तै सदस्यहरुमा दिब्यदृष्टि लामा, मेनुका देउला, ईश्वर ढुङ्गेल, आयुष ठकुरी, मिनेश पुडासैनी, राजकुमार रसाईली, नबिन श्रेष्ठ, कृष्णकला नेपाल, पबित्रा बिक लगायत चयन भएकाछन् ।

अध्यक्षपदमा निवाचित भएपछि अर्यालले बिद्यार्थीको हकहित र क्षमता विकासको लागि जात, लिंग, वर्ण भूगोलभन्दा माथि उठेर हामी निरन्तर क्रियाशिल हुने बताए ।

अर्यालले आफुलाई अध्यक्ष पदमा निवाचित गर्न सहयोग गर्ने सम्पूर्णलाई धन्यवाद समेत दिए ।

सम्मेलन अखिल नेपाल स्वतन्त्र बिद्यार्थी संगठन (क्रान्तिकारी) केन्द्रीय सदस्य पञ्चा सिंहको प्रमुख आतिथ्यता एवम् नेकपा माओवादी केन्द्रकी केन्द्रीय सदस्य एवम् बागमती प्रदेशको सामाजिक विकास मन्त्री कुमारी मोक्तानको बिशिष्ट आतिथ्यता, केन्द्रीय सदस्य एवम् मकवानपुर ईञ्चार्ज बिजय गौतम, अखिल क्रान्तिकारी केन्द्रिय महासचिब दिपेश पुन, उपमहासचिव प्रदिप अर्याल,नेकपा माओबादीकेन्द्र प्रदेश कमिटि सदस्य ललित घलान, जिल्ला संयोजक भीम पाख्रिन, सचिव बीर बहादुर घलान ज्वाला लगायतको आतिथ्यता रहेको थियो ।

सम्मेलन जिल्ला अध्यक्ष श्रवण बर्तौलाको अध्यक्षतामा भएको थियो ।

निर्वाचित जिल्ला कमिटीका पदाधिकारी तथा सदस्यलाई शनिबार बिहान नेकपा माओवादी केन्द्र मकवानपुरको पार्टी कार्यालयमा सपथ ग्रहण कार्यक्रम भएको छ ।