राक्सिराङ्गमा ख्रीष्टमस डे को तिन दिन सार्वजनिक बिदा

पुष, राक्सिराङ्ग (हेटौडा) –  इसाई धर्मालम्बीहरुको नजिकिदै गरेको चाड ख्रीष्टमस डे को अवसरमा मकवानपुरको राक्सिराङ्ग गाउँपालिकाले तिन दिन सार्वजनिक बिदा दिएको छ । गाउँपालिकाले बिहिबार शुभकामना जारी गर्दै यहि पुष ८, ९ र १० गते तिन दिन सार्वजनिक बिदा दिएको हो ।

गाउँपालिका अध्यक्ष राजकुमार मल्लले, ‘गाउँपालिकाका सम्पूर्ण जनतामा आपसी सद्धभाव, सामाजिक एकता र भातृत्व कायम गर्ने अपेक्षा सहित बन्धुत्व, प्रेम र समताको भावना बढाई शान्त, सम्मुन्नत तथा सम्बृद्ध राक्सिराङ्ग बनाउन सबैमा प्रेरणा मिलोस् भनि शुभकामना ब्यक्त गर्नुभएको छ ।

सार्वजनिक बिदा अबधिभर गाउँपालिका भित्रका सार्वजनिक कार्यालय, सरकारी कार्यालय, शिक्षण संस्था, बैंक, वित्तीय संस्थाहरु बन्द रहने छ।