नगरस्तरिय चित्रकला प्रतियोगितामा बिपिका गौतम प्रथम

भदौ, हेटौंडा – नगर स्तरिय चित्रकला प्रतियोगितामा हेटौंडा ७ का बालिका बिपिका गौतम प्रथम भएको छ ।

शनिबार नगरस्तरिय बाल समूह संजाल, हेटौंडा उपमहानगरपालिकाको आयोजनामा भएको नगरस्तरिय चित्रकला प्रतियोगितामा सहभागी १८ जना प्रतियोगिलाई उछिन्दै गौतम प्रथम भएको हो। उनले नगद २ हजार रुपैयाँ सहित प्रमाणपत्र प्राप्त गर्नुभएको छ।

त्यस्तै, प्रतियोगितामा हेटौंडा २ का स्वस्ती शाक्य द्धितीय भई नगद सहित प्रमाणपत्र गरेकी छिन। हेटौंडा-१३ का समीर गोले तृतीय भई नगद सहित प्रमाणपत्र प्राप्त गरेको छ । हेटौंडा-६ का बालक सुरज श्रेष्ठ सान्त्वना भई नगद तथा प्रामाण पत्र पाएका छन् ।

प्रतियोगितामा चित्रकार सुर्य सन्यासीले मुख्य निर्णयकको भूमिका निर्वाह गर्नुभएको थियो । नगरस्तरिय बाल समूह सन्जालका अध्यक्ष सौरज देवकोटाको सभाध्यक्षता तथा हेटौंडा उपमहानगरपालिकाकी प्रमुख मिना कुमारी लामाको प्रमुख आतिथ्यता चित्रकला प्रतियोगिता भएको थियो।

कार्यक्रममा हेटौंडा उपमहानगरपालिका महिला तथा बाल विकास महाशाखाका निर्देशक विष्णुकुमारी लामिछाने, बालमैत्री नगर सम्पर्क व्यक्ति बिना ठिके, हेटौंडा-१२ का बालमैत्री सम्पर्क व्यक्ति गिता परियार, बालमैत्री नगर सहजकर्ता सपना ढुंगाना, लगायत वडाका बालमैत्री वडा सहजकर्ताहरुको उपस्थित रहेको थियो।