हरिहरपुरगढीमा प्रत्येक वडामा सामाजिक सुरक्षा भत्ता वितरणमा तिब्रता

बैशाख, सिन्धुली (हरिहरपुर गढी) – सिन्धुलीको हरिहरपुरगढी गाउँपालिकाले जेष्ठ नागरिक, एकल महिला, बालबालिका,अपाङ्गता,अपाङ्ग भएको व्यक्तिलाई दिइने सामाजिक सुरक्षा भत्ता वितरण कार्यक्रमलाई तिब्रता दिएको छ।

बैशाख २४ गतेदेखि सुरु भएको अभियान वडा न १,२,३ सम्म भत्ता वितरण हुदा ४ सय ५० बढी सेवाग्राहीले लाभ लिसकेका छन। जेठको ६ गते सम्म बाँकी सबै वडामा भत्ता वितरण हुने भएको छ । लामो दुरी पारगर्दै बैंकमा घन्टौ लाइन बस्नुपर्ने बाध्यतालाई मध्यनजर गर्दै सामाजिक सुरक्षा भत्ता वितरण कार्य पालिकाले गर्दै आएको छ।

सिटिजन्स बैंक इन्टरनेशनल, हरिहरपुरगढी शाखा संगको सहकार्यमा आर्थिक वर्ष २०७९/०८० को तेस्रो त्रैमासिक सामाजिक सुरक्षा भत्ता वितरण कार्य गरेको र आगामी दिनमा यस कार्यलाई निरन्तरता दिने हरिहरपुरगढी गाउँपालिका पञ्जिकरण शाखा प्रमुख मनोराज घिसिङले बताउनुभएको छ।