ओमानविरुद्ध नेपालको शानदार जित
तामसालिङ खबर
बैशाख, काठमाडौं – एसीसी प्रिमियर कप क्रिकेट प्रतियोगितामा नेपालले ओमानमाथि ८४ रनको शानदार जित हात पारेको छ ।
नेपालले दिएको ३११ रनको लक्ष्य पछाएको ओमानले ४६.३ ओभरमा ९ विकेट गुमाउदै २२६ रन बनाउन सक्यो । ओमानका खेलाडी अकिब इलयास घाइते भएर ब्याटिंग गर्न नसकेपछि नेपालले खेल ८४ रनले जितेको हो ।
ओमानका लागि मोहमद नदीमले सर्वाधिक ६५ रन बनाए भने सन्दीप गोउडले ४६ रन बनाएका थिए । त्यस्तै आयान खानले २९, कश्यप प्रजापतिले २५, जतिन्दर सिंहले १५, आदील सिंहले १३ र फयाज बटले १९ रन बनाएका थिए ।
त्यस्तै नेपाली बलर सन्दीप लामिछाने र करण केसीले ३-३ विकेट लिए भने दिपेन्द्र सिंह ऐरीले २ तथा ललित राजबंशीले एक विकेट लिए । यसअघि टियु क्रिकेट मैदानमा टस हारेर पहिला ब्याटिंग गरेको नेपालले ५० ओभरमा ८ विकेट गुमाउदै ३१० रन बनाएको थियो ।
नेपालका लागि कुशल मल्लले १०८ रनको शतकीय पारी खेलेका थिए । त्यस्तै सोमपाल कामीले पनि शानदार ब्याटिंग गर्दै अविजित ६३ रन बनाएका थिए ।
त्यस्तै भिम सार्कीले ३३, करण केसीले अविजित २९, आरिफ शेखले २९, कप्तान रोहित पौडेलले २३ रन बनाएका थिए । त्यस्तै दिपेन्द्र सिंह ऐरीले ७, सन्दीप लामिछानेले ८ तथा कुशल भुर्तेल र आसिफ सेखले शुन्य बनाएर आउट भएका थिए । त्यस्तै ओमानका बलर आयान खानले दुई विकेट लिएका थिए भने अन्य सबै बलरले एक एक विकेट लिएका थिए ।
यो पनि पढ्नुहोस्
