बागलुङमा पेट्रोल छर्केर आत्मदाहको प्रयास

माघ, बागलुङ – बागलुङमा एक पुरुषले पेट्रोल छर्केर आत्मदाहको प्रयास गरेका छन् । बागलुङ नगरपालिका–८ सिगानाका ५२ वर्षीय शेर बहादुर जिसीले शरिरमा पेट्रोल छर्केर आत्मदाहको प्रयास गरेका हुन् ।

घरमा कोही नभएको अवस्थामा पेट्रोल छर्केर शरीरमा आगो लगाएको जिल्ला प्रहरी कार्यालय बागलुङले जनाएको छ । जिसीले आफ्नै शरीरमा आगो लगाउँदा अनुहार लगायत विभिन्न अंग जलेको छ ।

जिसीलाई धौलागिरी अस्पतालमा सामान्य उपचार गरेपछि पोखरा रेफर गर्न तयारी भएको प्रहरीले जनाएको । जिसीको अवस्था गम्भीर रहेको प्रहरीले जनाएको छ ।

केही दिनअघि काठमाडौंको नयाँ बानेश्वरस्थीत संघीय संसद भवन अगाडि इलामका प्रेमप्रसाद आचार्यले पेट्रोर छर्केर आत्मदाह गरेका थिए ।