कतार विश्वकपको अन्तिम आठमा पुग्ने टोलीको टुङ्गो

मंसिर, एजेन्सी – कतारमा जारी फिफा विश्वकप फुटबलमा अन्तिम आठमा पुग्ने टोलीको टुङ्गो लागेको छ । गए राति पोर्चुगल र स्विट्जरल्यान्डबीचको अन्तिम प्रि-क्वाटरफाइनल खेल सँगै अन्तिम आठमा पुग्ने टोलीको टुंगो लागेको हो ।

फ्रान्स, क्रोएसिया, ब्राजिल, अर्जेन्टिना, इंग्ल्यान्ड, नेदरल्यान्ड्स, मोरक्को र पोर्चुगलले अन्तिम आठमा स्थान बनाएका छन् ।

अब पहिलो क्वाटरफाइनलमा ब्राजिल र क्रोएसियाबीच शुक्रबार प्रतिस्पर्धा हुने छ । दोस्रो क्वाटरफाइनलमा अर्जेन्टिना र नेदरल्यान्ड्सबीच प्रतिस्पर्धा हुनेछ । यस्तै तेस्रो क्वाटरफाइनलमा फ्रान्स र इंग्ल्यान्ड तथा अन्तिम क्वाटरफाइनलमा मोरक्को र पोर्चुगलबीच प्रतिस्पर्धा हुनेछ ।