बिरोध खतिवडा माथि दुर्ब्यबहारको गर्ने व्यक्ति माओवादीको होईन – सर्केश घलान

कार्तिक, हेटौंडा (मनहरी) – मकवानपुर प्रतिनिधिसभा क्षेत्र नम्बर २ का उम्मेदवार बिरोध खतिवडामाथि दुर्ब्यबहार भएको घटनाप्रति नेकपा माओवादी केन्द्र मकवानपुरले ध्यानाकर्षण भएको जनाएको छ । माओवादी केन्द्र मकवानपुर अध्यक्ष सर्केश घलानले विज्ञप्ती जारी गर्दै घटनाप्रति खेद समेत व्यक्त गर्नुभएको छ ।

उम्मेदवार खतिवडामाथि दुर्ब्यबहार प्रयास गर्ने व्यक्ति माओवादी केन्द्रमा आवद्ध रहेको भन्ने समाचारप्रति पनि माओवादीले खेद प्रकट गरेको छ ।

घटनामा संलग्न व्यक्ति आफ्नो पार्टीको साधरण सदस्य समेत नरहेको पनि अध्यक्ष घलानद्धारा जारी विज्ञप्तीमा उल्लेख छ । साथै अवका दिनमा पुष्टी गरेर मात्रै समाचार संप्रेषण गरिदिन माओवादीले आग्रह गरेको छ ।