मकवानपुरका खेल पत्रकार बानियाँ पुरस्कृत

असोज, हेटौडा – मकवानपुरका खेल पत्रकार बिक्रम कुमार बानियाँ पुरस्कृत भएका छन् ।

बिहिबार राष्ट्रिय फोटो पत्रकार समूह नेपालको २५ औं वार्षिक उत्सवको अवसरमा खेल पत्रकार बानियाँलाई हरी गोपाल प्रधान फोटो पत्रकारिता पुरस्कारबाट (खेलकुद तर्फ) पुरस्कृत भएको छ ।

उनले खेलकुद क्षेत्रमा योगदान गरेको भन्दै राष्ट्रिय फोटो पत्रकार समूह नेपालले पुरस्कृत गरिएको हो । बानियाँ गोल नेपाल डटकमका मकवानपुर जिल्ला संवाददाता समेत रहेका छन् ।

गोल नेपालमा बानियाँले ६ वर्षदेखि निरन्तर सक्रिय संवाददाताको रुपमा काम गर्दै आईरहेका छन् । उनले गोल नेपाल डटकमका लागि खिचिएको फोटोबाट नै छनौट भएर पुरस्कृत भएका हुन् । उनलाई नेपाल सरकारका अर्थमन्त्री जनार्दन शर्माले पुरस्कार प्रदान गरिएको छ ।