आज देखि उपमेयर कप भलिबल प्रतियोगिता
तामसालिङ खबर
असोज, हेटौंडा – आज देखि हेटौडामा केशवलाल श्रेष्ठ स्मृति केन्द्रीय प्रतिष्ठान मकवानपुरको आयोजनामा उपमेयर कप भलिबल प्रतियोगिता शुरु हुने भएको छ ।
हेटौंडा उपमहानगरपालिकाको १९ वटा वडामध्ये ९ वटा महिला टिम र १२ वटा पुरुष टिमको सहभागिता रहने आयोजकले जनाएको छ । हेटौंडाको हुप्रचौरमा असोज ९ गते सम्म हुने प्रतियोगिताको विजेताले ५० हजार रुपैयाँ नगदसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले २५ हजार रुपैयाँ नगदसहित शिल्ड तथा प्रमाणपत्र प्राप्त गर्ने छन् ।
चौथो संस्करणको प्रतियोगिता आयोजनाका लागि हेटौंडा उपमहानगरपालिकाले २ लाख ५० हजार रुपैयाँ बजेट उपलब्ध गराएको प्रतिष्ठानका महासचिव बसन्त कुमार सिटौलाले जानकारी दिनुभयो ।
यस्तै प्रतिष्ठानले असोज १० गतेबाट दोस्रो संस्करणको जिल्ला स्तरीय महिला भलिबल प्रतियोगिता आयोजना गर्दैछ । प्रतियोगितामा १० वटा टिमको सहभागिता रहने महासचिव सिटौलाले जानकारी दिनुभएको छ ।
प्रतियोगिताको विजेताले ५० हजार रुपैयाँ र उपविजेताले ३० हजार रुपैयाँ प्राप्त गर्नेछ । जिल्लास्तरीय महिला भलिबल प्रतियोगिताको संयोजक ईन्द्रप्रसाद सञ्जेल रहेको छ ।
यो पनि पढ्नुहोस्
