हेटौंडामा खुल्ला पेनाल्टी सुट-आउट फुटबल प्रतियोगिता हुने
तामसालिङ खबर
भदौ, हेटौडा – प्रथम नेकोस खुल्ला पेनाल्टी सुट-आउट फुटबल प्रतियोगिता हेटौंडामा हुने भएको छ । नेपाल खेलकुद महासंघ समाजवादीको आयोजनामा विजया दशमी तथा शुभ दीपावलीको अवसरमा असोज १० गते खुल्ला पेनाल्टी सुट-आउट फुटबल प्रतियोगिता हुने भएको हो ।
हेटौंडामा पहिलो पटक हुन लागेको पेनाल्टी सुट-आउट फुटबल प्रतियोगितामा जिल्ला र जिल्ला बाहिरका गरि २५ टिमको सहभागीता रहने महासंघका केन्द्रीय सदस्य निरज सिह ठकुरीले जानकारी दिए ।
एक समुहमा ६ जना रहने खेलको विजेताले ३३ हजार ३ सय ३३ रुपैँया दोस्रो हुनेले २२ हजार २ सय २२ रुपैँया नगद पुरस्कार पाउने ठकुरीले बताए । खेल आयोजना गर्न करिब १ लाख खर्च अनुमान गरेको आयोजकले टिम दर्ता शुल्क भने ३ हजार ३ सय ३३ रुपैँया तोकेको छ ।
खेल दर्ता फारम भने जिल्ला खेलकुद विकास समिति मकवानपुरको कार्यालय र ग्लोबल स्पोट्स हाउस हेटौंडा–४ मा उपलब्ध हुने आयोजकले जनाएको छ ।
यो पनि पढ्नुहोस्
