मकवानपुरमा पहिलो पटक रग्बीको मैत्रीपुर्ण खेल हुँदै

भदौं, हेटौंडा – मकवानपुरमा पहिलो पटक रग्बी खेल हुने भएको छ । मकवानपुर रग्बी संघ र चितवन रग्बी संघबीच दुई मैत्रीपुर्ण खेल हुने भएको  हो । आगामी भदौैं १० गते र ११ गते दुई जिल्लाका रग्बी संघ बीच मैत्रीपुर्ण खेल खेल्ने तय भएको मकवानपुर जिल्ला रग्बी संघका अध्यक्ष लिलाकुमार घलानले जानकारी दिनुभयो ।

हेटौंडा-५ स्थित पिप्ले क्याम्पा रंगशालामा हुने खेलमा महिला रग्बी टिम र पुरुष रग्बी दुबै टिमले मैत्रीपुर्ण खेल खेल्नेछन् । यस अघि मकवानपुरका रग्बी टिम खेलाडी चितवन र काठमाडौंमा खेल्दैै आएका थिए ।

मकवानपुरमा रग्बी खेल खेलाउन नसकेको अवस्थामा पहिलो पटक मकवानपुरमा मैत्रीपुर्ण खेल हुन लागेको हो । अहिले मकवानपुर रग्बी टिमले नियमित प्रशिक्षण गर्दै आएको छ । दुुई जिल्लाका खेलाडीहरुबीच सम्बन्ध मजबुुद होस् भन्ने उद्देश्यले खेल हुन लागेको उहाँले बताउनुभयो ।