थाहा नगरका ८ खेलाडी अन्तराष्ट्रीय प्रतिस्पर्धाका सहभागी
तामसालिङ खबर
साउन, हेटौडा (थाहा नगर) – नेपाल गोजुरियो कराते दो सघको आयोजनामा श्रावण १६ सोमबार आजबाट सुरु हुने दोस्रो खुल्ला अन्तराष्ट्रीय कराते प्रतियोगितामा मकवानपुरको थाहा नगरबाट ८ जना सहभागि भएका छन ।
सहभागीहरु थाहा ४ बाट रिबु केसि, थाहा ५ बाट आकृती तितुङ्ग, थाहा ५ कै सुशान्त दोङ, थाहा ४ का सुस्मिता दोङ, सन्जिता गोले, थाहा २ बाट कृतिका थोकर, थाहा ३ बाट सन्तोष गोपाली, थाहा ४ बाट अबजित अधिकारी हुन । नेपाल गोजुरियो कराते दो सघ शाखा दोजो थाहाबाट उनिहरु सहभागी भएका हुन ।
थाहाबाट यसअघि राष्ट्रिय प्रतियोगितामा १ गोल्ड मेडल, ५ रजत पदक, १ कास्य पदक प्राप्त गरेका थिए भने यसपटक अन्तराष्ट्रीय प्रतिस्पर्धा हुने भएकोले प्रतियोगिता सहज नहुने प्रशिक्षक मानसिङ्ग दोङले बताए ।
प्रतियोगितामा नेपाल संगै भारत, बङ्लादेश लगायतका खेलाडिहरु सहभागी हुदैछन । काठमाण्डौ त्रीपुरेश्वर दशरथ रङ्शालाको कबर्ड हलमा हुने प्रतियोगिता श्रावण १७ गते सम्पन्न हुनेछ।
यो पनि पढ्नुहोस्
