थाहा मा ५ वडाको मतगणना सकियो, ४ वटामा माओबादी १ वटामा एमाले बिजयी
राजकुमार केसी
जेठ, हेटौडा (थाहा नगर) – गत बैशाख ३० गते सम्पन्न स्थानीय तह सदस्य निर्वाचन अन्तर्गत थाहा नगरपालिकाको ५ वटा वडाको मतगणना सम्पन्न भएको छ ।
५ वटा मध्ये वडा नम्बर १, २, ३ र ४ मा माओबादी केन्द्र तर्फका उम्मेदवारहरु बिजयी भएका छन् भने वडा नम्बर ५ मा एमालेका उम्मेदवारहरु बिजयी भएका छन् ।
बिजयी हुनेमा वडा नम्बर १ मा हेरमान गोपाली, २ मा बमबहादुर सिन्तान, ३ मा हिरेन्द्र कुमार रायमाझी, ४ मा नारायण लामा र ५ मा बिष्णु बहादुर गुरुङ रहेका छन् । ५ वटा वडाको मतगणना सकिँदा नगर प्रमुख र उपप्रमुखमा गठबन्धनका उम्मेदवार अगाडि रहेका छन् ।
गठबन्धनबाट माओवादी केन्द्रका प्रमुख पदका उम्मेदवार बिष्णु बहादुर बिष्टले ४ हजार ३ सय ८८ मतका साथ अगाडि छन् भने एमालेका अच्युतम प्रसाद ढकालले ३ हजार २ सय ५ मत प्राप्त गरेका छन् ।
त्यस्तै, उपप्रमुख पदमा गठबन्धनका तर्फबाट उम्मेदवार बनेका नेपाली काङ्ग्रेसका उम्मेदवार भरत गोपालीले ३ हजार ८ सय २८ मतका साथ अगाडि छन् भने एमालेका कल्पना बलामी ले ३ हजार २ सय ५ मत प्राप्त गरेको निर्वाचन आयोगको कार्यालयले बताएको छ ।
१२ वटा वडा रहेको थाहा नगरपालिकाको ऐले वडा नम्बर ६ को मत गणना भइरहेको छ ।
यो पनि पढ्नुहोस्
