गायिका निर्मला घिसिङको ‘पिंगाइ माया’ रिलिज (भिडियो)

बैशाख, हेटौडा – तामाङ सांगीतिक क्षेत्रका गायिका निर्मला घिसिङको ‘पिंगाइ माया’ गीतको म्यूजिक भिडियो रिलिज भएको छ । नयाँ वर्षको अवसर पारेर गायिका घिसिङले आफ्नै युट्युब च्यानल मार्फत म्यूजिक भिडियो सार्वजनिक गरिएको हो ।

पिंगाइ मायामा गायिका निर्मला घिसिङ र अनिष योन्जन (च्याङ्बा) को सुमधुर स्वर रहेको छ । गायिका घिसिङको शब्द रहेको गीतमा संगीत भने अनिष योन्जनले भरेका छन् । गितको एरेन्जर सुन्दर लामाले, मिक्सिङ प्रकाश मिश्रले गरेका हुन् ।

प्रेम कथालाई समेटिएको गीतको म्यूजिक भिडियोमा बुद्धि तामाङ (हैट) र मोडल निराञ्जली लामाको अभिनय रहेको छ । प्रेमिल जोडीको माया प्रेमलाई उतारिएको भिडियोमा माया प्रेममा आउने उतार चढावलाई कैद गरिएको छ ।

अजय स्याङ्तानको निर्देशन, राजु स्याङ्तान कथा, चक्र महर्जन र विक्रम मोक्तानको छायांकन रहेको छ।

भिडियो हेर्नुहोस् –