नर्वेलाई हराउँदै नेदरल्याण्ड विश्वकपमा

एजेन्सी – नर्वेलाई हराउँदै नेदरल्याण्डले सन् २०२२ मा कतारमा हुने विश्वकपमा आफ्नो स्थान पक्का गरेको छ । पराजयसँगै नर्वेले भने प्रतियोगितामा खेल्न नपाउने भएको छ । समूह जी मा टर्की दोस्रो हुँदै प्लेअफमा छनोट भएको हो ।

खेलको अन्त्यतिर स्टिभन बर्गविन र बार्सिलोनाका फरवार्ड मेम्फिड डिपायले गोल गर्दै नेदरल्याण्डलाई समूहको शीर्ष स्थानमा कायम राखे । नेदरल्याण्डका लागि भने पराजय निकै भारी पर्‍यो ।

स्टार स्ट्राइकर अर्लिङ ब्राउट हालान्डको अनुपस्थितिले पनि नर्वेलाई ठूलो घाटा भयो । उता, टर्कीले मोन्टीनेग्रोलाई २-१ गोलले हराउँदै समूहको दोस्रो स्थानमा रहन सफल भयो ।