टोल स्तरीय फुटबल प्रतियोगिताको उपाधि न्यु चिसापानीको पोल्टामा
तामसालिङ खबर
असोज, हेटौडा – हेटौंडा उपमहानगर–७ स्थित नागस्वतीमा बडा दशैँको अवसरमा भएको टोल स्तरीय फुटबल प्रतियोगिताको उपाधि न्यु चिसापानी फुटबल टिमले जितेको छ ।
सोमबार भएको फाईनल खेलमा आयोजक जागरण फुटबल टिमलाई ट्राईब्रेकरमा ४–३ गोल अन्तरले स्तब्ध पार्दै न्यु चिसापानी फुटबल टिमले उपाधि जितेको हो । निर्धारित समयमा गोल रहित बराबरीमा खेल रोकिएपछि खेल ट्राईब्रेकरमा धकेलिएको थियो ।
उपाधि हात पार्दै न्यु चिसापानी फुटबल टिमले ४५ किलोको खसि, शिल्ड, मेडल र प्रमाण पत्र प्राप्त गरेका छन् भने आयोजक जागरण फुटबल टिम उपविजेता बन्दै ३५ किलोको खसि ,शिल्ड,मेडल र प्रमाणपत्र प्राप्त गरेका छन् ।
विजेता /उपविजेता टिमलाई हेटौंडा उपमहानगरपालिकाका मेयर हरि बहादुर महतले पुरस्कार दिएका थिए । त्यस्तै खेल भरीमा अनुशासित टिम बन्दै आदर्श फुटबल टिमले आकर्षक पुरस्कार प्राप्त गरेका छन् भने उत्कृष्ट खेलाडी न्यु चिसापानी फुटबल टिमका रोशन दोङ भएका छन् ।
खेल असोज ९ गतेदेखि सञ्चालन भएको थियो । यो संगै यस वर्षको रजत महोत्सव पनि सम्पन्न भएको छ ।
यो पनि पढ्नुहोस्
