हेटौँडामा यहिँ असोज २१ गते ‘हेटौँडा रन’ हुने
तामसालिङ खबर
असोज, हेटौँडा – बागमती प्रदेश राजधानी हेटौँडामा यहि असोज २१ गते ‘हेटौँडा रन’ हुने भएको छ । हेटौँडा उपमहानगरपालिका नगर खेलकुद विकास समितिको आयोजनामा ‘हेटौँडा रन’ हुने भएको हो ।
हेटौँडाका नागरिकले सहभागिता जनाउन सक्ने दौड प्रतियोगिताको लागि आवेदन फर्म खुलेको आइतबार आयोजित पत्रकार सम्मेलनमा जानकारी गराइएको छ । पत्रकार सम्मेलनमा बोल्दै हेटौँडा उपमहानगरपालिकाका नगर खेलकुद विकास समितिका अध्यक्ष चन्द्र शाहिले फर्म हेटौाडा नगरपलिकाबाट निशुल्क वितरण हुने बताए ।
प्रतियोगिताको प्रथम हुनेले नगद १५ हजार सहित मेडल तथा प्रमाणपत्र प्राप्त गर्ने आयोजकले जनाएको छ । प्रतियोगिताको दोश्रो स्थान हाँसिल गर्नेले १० हजार तथा तेश्रो स्थान हाँसिल गर्नेले ५ हजार सहित मेडल तथा प्रमाणपत्र प्राप्त गर्ने छन् ।
६ किलोमिटरको दौड प्रतियोगिताको रुट ब्यवस्थापन भैसकेको आयोजकले जनाएको छ ।
यो पनि पढ्नुहोस्
