मितेरी साकोसको स्थापना दिवस

भदौं, हेटौडा (इन्द्रसरोबर) – मकवानपुरको इन्द्रसरोवर गाउँपालिका वडा नम्बर ५ फाखेलमा रहेको मितेरी बचत तथा ऋण सहकारी संस्थाले १५ औं स्थापना दिवस मनाएको छ । शुक्रबार दिवसको अवसर पारेर चियापान तथा सहकारी सम्बन्धी अन्तरक्रिया कार्यक्रम गरिएको मनाइएको छ ।

सहकारी संस्थाका अध्यक्ष शान्तलाल लामाको अध्यक्षतामा भएको अन्तरक्रियामा गाउँपालिकाका अध्यक्ष जीवन लामाको प्रमुख अतिथ्यता रहेको थियो । कार्यक्रममा वडा नम्बर ५ का वडा अध्यक्ष धनराज महर्जन, सञ्चालक समितिका पदाधिकारी, लेखा, ऋण उपसमिति सहित अन्य उपसमितिका सदस्य तथा समाजसेवी, जग्गा दान दाता, सहकारी भवन निर्माणका सहयोगी दाताहरुको उपस्थिती रहेको थियो ।

सहकारीले श्रावण मसान्त सम्ममा १० करोड ९८ लाख २५ हजार ४४२ को कारोबार गरेको छ भने संस्थाको शेयर पुजीँ भने एक करोड ८ लाख ६३ हजार रहेको संस्थाका व्यवस्थापक सरोज थापा मगरले बताए । सहकारीमा १२६६ शेयर सदस्यको ८ करोड १९ लाख ५० हजार बचत छ भने ७ करोड ३९ लाख ३० ऋण लगानी गरेको थापामगरले बताए ।