सन्दीप होबर्टमा अनुबन्धित

भदौं, काठमाडौँ – नेपालका युवा खेलाडी सन्दीप लामिछानेले अस्ट्रेलियाको बिग बास लिग (बीबीएल) खेल्ने भएका छन् । उनलाई यस वर्ष पनि होबर्ट हरिकेन्सले अनुबन्धन गरेको हो ।

होबर्टले उनी सँगको सम्झौता नविकरण गरेको हो । सन्दीपलाई आफ्नो क्लबमा नवीकरण गरेको होबर्टको आधिकारिक फेसबुक पेजले पुष्टि गरेको छ । साथै, उनी अन्तर्राष्ट्रिय अनुबन्धन गर्नेमा उनी पहिलो विदेशी खेलाडी भएको पनि पेजले पुष्टि गरेको छ । बीबीएल आगामी डिसेम्बर ५ देखि अष्ट्रेलियामा सुरु हुँदैछ ।

मेलवर्न स्टार्सबाट डेब्यु गरेको सन्दीपले गत सिजन पनि होबर्टबाट नै खेलेका थिए । उनले गत सिजन होबर्टका लागि ८ खेलमा सहभागिता जनाउँदा ८ विकेट लिएका   थिए । अहिलेसम्म उनले बीबीएलमा २९ खेलमा ३४ विकेट लिएका छन् ।