मुख्यमन्त्री फेरबदलमा हाम्रो संलग्नता छैन – नेता पाण्डे

भदौ, हेटौडा – बागमती प्रदेशको मुख्यमन्त्री फेरबदल प्रक्रियामा आफुहरुको संलग्नता नरहेको माधवकुमार नेपाल निकट सांसदले बताएका छन् ।

बागमती प्रदेशसभा सदस्य समेत रहेका नेता राजेन्द्र पाण्डेले के आधारमा मुख्यमन्त्री परिवर्तन गर्न लागियो भन्नेबारे आफूहरुलाई जानकारी नभएको बताए ।

पाण्डेले यसअघि पार्टीका तर्फबाट प्रदेश स्तरमा बनाइएको कार्यदलकै एजेण्डा अनुसार आफूहरु अघि बढेको भन्दै अहिले मुख्यमन्त्रीको डोरमणि पौडेलको राजीनामा र नयाँ मुख्यमन्त्री चयनबारे आफूहरुलाई कुनै जानकारी नरहेको बताए ।

‘अष्टलक्ष्मीजीलाई के आधारमा मुख्यमन्त्री बनाउने निर्णय भयो भन्नेबारे हामीलाई थाहा छैन’ उनले भने, ‘यो निर्णयको स्वामित्व हामीले लिने अवस्था छैन ।’