सेयर धितोमा एक व्यक्तिले १२ करोडभन्दा बढी ऋण नपाउने
तामसालिङ खबर
साउन, काठमाण्डौ – सेयर धितोमा मौद्रिक नीतिले कडाइ गरेको छ। एउटा बैंक तथा वित्तीय संस्थाले एक व्यक्ति वा संस्थालाई सेयर धितोमा बढीमा ४ करोड मात्रै कर्जा दिन पाउने भएका छन्।
नेपाल राष्ट्र बैंकका गभर्नर महाप्रसाद अधिकारीले चालु आर्थिक वर्षको मौद्रिक नीति सार्वजनिक गर्दै सेयर धितो राखेर एक व्यक्ति वा संस्थाले विभिन्न बैंक तथा वित्तीय संस्थाबाट बढीमा १२ करोड रुपैयाँ मात्रै ऋण लिन पाउने बताएका हुन्।
सेयर धितो राखेर कसैले १२ करोड रूपैयाँ भन्दा बढी ऋण लिन पाउने छैन। यसले ठूला र संस्थागत सेयर लगानीकर्ताको मनोवलमा असर पार्ने भएकाले केही दिन बजार प्रभावित हुन सक्नेछ। यसअघि यस्तो व्यवस्था गरिएको थिएन।
यद्यपि सेयर धितोमा दिइने कर्जाको दर र गणनाको व्यवस्था भने पुरानै कायम राखिएको छ। शेयर धितोमा पछिल्लो १२० दिनको औसत मूल्यलाई आधार मानेर कुल सेयर मूल्यको ७० प्रतिशतसम्म ऋण पाइने गरेको छ।
यो पनि पढ्नुहोस्
