किरण बने, ‘भ्वाइस अफ नेपाल’ सिजन ३ को बिजेता
तामसालिङ खबर
साउन, काठमाण्डौ – तेस्रो सस्करणको संगीतिक रियालिटी सो ‘द भ्वाइस अफ नेपाल’ को उपाधि टिम प्रमोदको किरण गजमेरले जितेका छन् । शनिबार राती भएको ग्राण्ड फिनालेमा उनि बिजेता भएका हुन् ।
अन्तराष्ट्रिय फ्रेनचाइज शो ‘द भ्वाइस’ को बिजेता गजमेरले २५ लाख नगद, गोल्डेन ट्रफी विभिन्न गिफ्ट ह्याम्पर पाएका छन् । गत शनिबार राति सम्पन्न सेमीफाइनलमा ८ जनाको प्रतिष्पर्धात्मक शोबाट उत्कृष्ट चार जना फाइनल चरणमा प्रवेश गरेका थिए ।
कोरोना महामारीको प्रभावका कारण भ्वाइसको स्टुडियोबाटै प्रत्यक्ष प्रसारण गरिएको फिनालेमा अमेरिकाबाट आएका किरण गजमेरले उपाधि जितेका हुन् । उनको प्रतिस्पर्धामा राजु लामाको टिमबाट तारा सिरिश मगर, त्रिश्ना गुरुङको टिमबाट ज्वाला राई र दीप श्रेष्ठको टिमबाट अर्यान तामाङ्ग फाइनलमा प्रवेश गरेका थिए ।
सिजन २ मा कोच प्रमोदकै राम लिम्बु र सिजन १ मा कोच दीप श्रेष्ठबाट सिडी विजय अधिकारीले ‘भ्वाइस अफ नेपाल’ उपाधि जितेका थिए ।
यो पनि पढ्नुहोस्
