नेपालले विश्वकप छनौट खेल कुबेतमा खेल्ने टुंगो

बैशाख, काठमाडौं – फिफा विश्वकप २०२२ र एएफसी एसियन कप २०२३ को छनौट खेलतर्फ नेपालले खेल्न बाँकी रहेको तीन खेलहरु हुने ठाउँ टुंगो लागेको छ ।

एएफसीले घोषणा गरेअनुसार नेपालले आफ्ना बाँकी खेलहरु कुवेतको राजधानी कुवेत सिटीमा रहेको अल कुवेत स्पोर्टस क्लबमा हुने तय भएको   छ ।

नेपालले कुवेतको यात्रा तय गर्नुअघि २९ मईका दिन एसियन महारथी इराकसँग उसकै घरेलु मैदानमा अन्तर्राष्ट्रिय मैत्रीपुर्ण फुटबल म्याच खेल्ने कार्यक्रम छ । जुन खेलपश्चात नेपाली टोली कुवेत तर्फ प्रस्थान गर्ने बताइएको छ ।

नेपालले जुन ३ तारीखका दिन चाइनिज ताइपेई सँग खेल्दैछ भने जुन ७ तारीखका दिन जोर्डनसँग खेल्नेछ । त्यसै गरी जुन ११ तारीखका दिन अष्ट्रेलियासँग खेल्ने तय भइसकेको छ ।