पत्रकार उपचार काेषमा उद्याेग वाणिज्यकाे तर्फबाट ७५ हजार सहयाेग

चैत्र, हेटाैंडा – पत्रकार महासंघ मकवानपुर शाखाले स्थापना गरेकाे पत्रकार उपचार काेषमा मकवानपुर उद्योग वाणिज्य संघले ७५ हजार सहयोग गरेको   छ ।

साेमबार पत्रकार महासंघ मकवानपुरका नवनिर्वाचित पदाधिकारीलाई स्वागत तथा सम्मान कार्यक्रमका बीच संघले पत्रकार महासंघको उपचार कोषमा सहयाेग प्रदान गरेकाे हाे ।

संघका अध्यक्ष कृष्ण कटुवालले नवनिर्वाचित अध्यक्ष मणिराज गौतमलाई ७५ हजारको चेक हस्तान्तरण गरेका थिए । साथै कार्यक्रममा नवनिर्वाचित अध्यक्ष गौतम सहित, कार्यसमिति पदाधिकारी, केन्द्रीय तथा प्रदेश परिषद सदस्यलाई टीका र खादा लगाएर स्वागत गरेका थिए ।

कार्यक्रममा बोल्दै संघका अध्यक्ष कृष्ण कटुवालले जोखिम मोलेर अग्रपङ्क्तिमा रहेर जनतालाई सुसुचित गर्न लागिपर्ने सञ्चारकर्मीले बिरामी हुँदा उपचारमा सहयाेग मिलाेस् भन्ने उद्देश्यले उक्त रकम सहयोग गरेको बताए ।

कार्यक्रममा संघका उपाध्यक्ष रामप्रसाद दाहाल, महासचिव प्रमाेदसिं रानाभाट, सचिव काव्यमणि अधिकारी, सचिव सन्ताेष अर्याल, महासंघ मकवानपुर की उपाध्यक्ष सरला अधिकारी, सहसचिव एमपी शर्मा, मानवी बानियाँ, काेषाध्यक्ष केशव समर्पण लगायतकाे उपस्थिति रहेकाे थियाे ।