सिन्धुलीको श्रीपुरमा महाशिवरात्री मेला हुने

फाल्गुन, सिन्धुली – सिन्धुलीको हरिहरपुरगढीको श्रीपुरमा महाशिवरात्री मेला लाग्ने भएको छ । शिवरात्रीको अवसर पारेर श्रीपुर बजार व्यवस्थापन समितिले पहिलो पटक मेलाको आयोजना गर्न लागेको हो ।

यही फागुन २७ गते लाग्ने उक्त महा शिवरात्री मेलामा चर्चित गायक यश कुमार, सुर्य कमल राई, विशालराज राई, युभाष श्रेष्ठ, हाँस्य कलाकार राजेन्द्र गिरी गुन्द्रुके, नायक हिमाल राई, मोडल श्रुती राई, डिएन राई लगाएत एक दर्जन भन्दा बढी कलाकारहरुको प्रस्तुति रहने आयोजक समितिले जानकारी दिएकाछन् ।

हरिहरपुरगढी गाउँपालिकाको आर्थिक सहयोगमा निर्माण भएको शिव मन्दिर क्षेत्रमा लाग्ने महा शिवरात्री मेला विहानको १० बजे देखि शुरू हुने मेला समिति संयोजक उद्धव राईले बताएका छन् ।