हेटौंडा गोल्डकपको उपाधी आयोजक विजय युथ क्लबको पोल्टामा
ताम्सालिङ खबर
माघ, हेटौंडा – बागमती प्रदेशको राजधानी हेटौडा १० को फरेष्ट्री क्याम्पसको खेल मैदानमा शुक्रबार सम्पन्न ‘विजय युथ हेटौंडा गोल्डकप’ फुटबल प्रतियोगिताको उपाधी आयोजक टिम एफसी विजय युथ क्लबले हात पारेको छ ।
शुक्रबार भएको फाईनल खेलमा सेन्ट्रल कलेज विएसी भरतपुरलाई २-१ गोल अन्तरले पराजित गर्दै आयोजक टिम विजय युथ क्लबले उपाधी हात पारेको हो ।
खेलको ५७ औं मिनटमा भरतपुरका रञ्जित आलेमगरले गोल हान्दै टिमलाई अग्रता दिलाएका थिए । तर खेलको ६० औं मिनटमा विजय युथका शन्त गुरुङले गोल गर्दै खेल बराबरीमा फर्काएका थिए । यसैगरि खेलमा ६६ औं मिनेटमा विजय युथले पाएको पेनाल्टीलाई सदुपयोग गर्दै विजय युथका रुपक केसीले टिमलाई निर्णायक गोल गरेका थिए । खेलमा विजयी युथका शन्त गुरुङ म्यान अफ दी म्याच घोषित भए ।
उपाधी हात पारेको विजय युथले नगद ३ लाख सहित शिल्ड, मेडल र प्रमाण पत्र प्राप्त गरेको थियो भने उपविजेता भरतपुरले १ लाख ५० हजार सहित शिल्ड, मेडल र प्रमाण पत्र प्राप्त गरेको थियो ।
यो पनि पढ्नुहोस्
