नेपाल आईडलको टप ४ बाट केभिन ग्लान बाहिरिए

भदौ, हेटौडा – नेपालको चर्चित रियालिटी सो नेपाल आईडल सिजन ३ को उत्कृष्ट ४ बाट चितवनका केभिन ग्लान तामाङ्ग बाहिरिएका छन् ।

उनले अडिसन राउण्डबाटै दर्शकको मन जित्दै आएको थियो । हाल विश्वमा कोरोना भाईरसको महामारी फैलिरहेको अवस्थामा नेपालमा पनि दिनानुदिन संक्रमित र मृत्यु हुनेको संख्या बढ्दै गईरहेकोले केही समय आईडल नै रोकिन पुगेको थियो ।

केही समय पछि भौतिक दुरी कायम गर्दै बिना दर्शकका बीच आईडल सुचारु गरिएका थिए । उनले आफ्नै कम्पोजमा केही गितहरु तयारी गरेको र केही समयपछि बजारमा ल्याउने समेत बताए ।

नेपाल आईडलको टप ३ मा मोरङका सज्जा चौलागाँई , बर्दियाका प्रविन बेडवाल र बाकेका किरण भुजेल पुगेका छन् । नेपाल आईडल सिजन ३ को टप ५ बाट अघिल्लो हप्ता पोखराका नेशन पुन मगर बाहिरिएका थिए ।