अशोक दर्जीको ‘प्रणाम’ सार्बजनिक (भिडियो)

असार, काठमाण्डौ – बालगायक अशोक दर्जीको नयाँ गीत लकडाउनमै तयार भएको छ । लकडाउनमै छायांकन गरेर तयार पारिएको गीत सार्वजनिक भएको छ । टंक बुढाथोकीको शब्द तथा संगीतमा रहेको गीतमा अशोक दर्जीको स्वर रहेको छ ।

सडकमा गीत गाएर चर्चामा आएका बालगायक अशोकका ‘मन बिनाको धन ठूलोकी’, ‘चौरीको चाम्रो छुर्पी’, ‘बाआमा’ जस्ता गीत सार्वजनिक भएका छन् । सडकबाट आफूलाई यो स्थानसम्म ल्याउनका लागि साथ दिने सबैलाई कृतज्ञता प्रकट गर्नका निम्ती नयाँ गीत तयार पारिएको संगीतकार टंकले   बताए ।

लकडाउन खुकुलो भएपछि सानो टिम बनाएर गीतको भिडियो छायांकन गरिएको थियो । नवराज उप्रेतीको सिनेम्याटोग्राफी रहेको भिडियोमा टंक बुढाथोकीकै निर्देशन रहेको छ । गीतमा अशोक, टंक संगै एआर बुढाथोकीको अभिनय रहेको छ ।

भिडियो हेर्नुहोस् –