आज साँझ ७ बजे दीप प्रज्वलन गर्न प्रधानमन्त्री ओलीको अपिल

बैशाख २५, हेटौडा – प्रधानमन्त्री केपी शर्मा ओलीले बुद्ध जयन्तीको अवसरमा आज (बिहीबार) साँझ ७ बजे दीप प्रज्वलन गर्न देशवासी समक्ष अपिल गरेका छन् ।

गौतम बुद्धको स्मृति र सम्मानमा उनका शान्तिका सन्देशहरु सबै मिलेर सम्प्रेषण गरौँ भन्ने आग्रहका साथ प्रधानमन्त्री ओलीले कोरोनाभाइरसबाट जीवन गुमाएका र संक्रमितहरुको शीघ्र स्वास्थ्य लाभको कामना गर्न अनुरोध गर्नु भएको छ ।

त्यस्तै, उपचारमा संलग्न स्वास्थ्यकर्मीहरु, स्वयम्सेवीहरु र यस कार्यमा सहयोगी हात बढाउने सबैप्रति ऐक्यबद्धता जनाउन घर तथा संस्थाहरुमा द्वीप प्रज्वलनका लागि अपिल गरेका हुन् ।

प्रधानमन्त्री ओलीले रोल्पा बम विस्फोटमा ज्यान गुमाएका बालिका प्रति पनि श्रद्धाञ्जली अर्पण गरेका छन् । त्यस्तै, उनले संक्रमितहरुको शीघ्र स्वास्थ्यलाभको समेत कामना गरेका छन् ।