कोरोना त्रास-आईपीएल अनिश्चिकतकालको लागि स्थगित

बैशाख ३, एजेन्सी – इन्डियन प्रिमियर लिग आईपीएल टि-ट्वान्टी क्रिकेट अनिश्चित कालका लागि स्थगित भएको छ । भारत सरकारले लकडाउन थप तीन साता लम्ब्याए पछि अप्रिल १५ देखि हुने भनिएको आईपीएल अनिश्चिकत कालका लागि स्थगित भएको हो ।

भारतीय क्रिकेट कन्ट्रोल बोर्ड बीसीसीआईले आईपीएल स्थगित गरिएको जानकारी गराएको छ । आईपीएलको नयाँ मितिका बारे कुनै उल्लेख गरिएको छैन । बीसीसीआईका अध्यक्ष सौरभ गांगुलीले संकटका बेला खेल प्राथमिकतामा नरहने भन्दै आइ पिएल अनिश्चितकालका लागि स्थगित भएको जानकारी दिएका छन् ।

बीसीसीआईले आईपीएल स्थगित मात्र भएको तर रद्द भइनसकेको उल्लेख गरेको छ । अब आईपीएल सेप्टेम्बर वा नोभेम्बरमा गर्ने सक्ने विकल्प छ । त्यसका लागि आईसीसीसँगको सहकार्यमा एसिया कप लगायत अन्य ठूला प्रतियोगिता मिलाउनु पर्ने गांगुलीले भने ।