कोरोनाको सन्त्रासमा सर्यो नीरफूलको प्रदर्शन मिति
तामसालिङ खबर
फाल्गुन, हेटौडा – विश्वव्यापी रुपमा फैलिएको कोरोना भाइरस(कोभिड -१९) को त्रासका कारण प्रदर्शनको तयारीमा रहेको नेपाली चलचित्र ‘नीरफूल’को प्रदर्शन रोकिएको छ । आगामी फागुन ३० को पूर्वनिर्धारित रिलिज मितिबाट चैत ७ मा सारेको नीरफूलको प्रदर्शन अनिश्चित बनेको निर्माण पक्षले जनाएको हो ।
चलचित्र ‘नीरपूल’मा दयाहाङ राई, शान्ति वाइबा, बुद्धि तामाङ, पुष्कर गुरुङ लगायतका कलाकारले शिर्ष भूमिकामा रहेर अभिनय गरेका छन् । चलचित्र निर्माण पक्षले दर्शकको निरन्तर पर्खाइ र अपेक्षामा पर्न गएको असुविधाप्रति क्षमा याचना गरेको छन भने कोरोनाको स्थिति सामान्य भएपछि नयाँ प्रदर्शन मिति घोषणा गरिने जानकारी गराइएको छ।
केही दिन अगाडि मात्र चलचित्र ‘म यस्तो गीत गाउँछु २’को निर्माणपक्षले कोरोना त्रासकै कारण चलचित्रको प्रदर्शन मिति अनिश्चितकालका लागि पछि सारेको थियो । चलचित्र टिमले दर्शकको स्वास्थ्य भन्दा ठूलो केहि नभएको बताउँदै आएका छन् ।
